Hringmi khawvel hnutiang chhawnin
I lungtum a ni bil lo kan hai mawlh lo
Lunglohtui dawnin hawilopar min thliah san maw
Kohkir theih ni se hlimlai ni te
Khuarei chang tur an kan phal mawlh lo
Nang ngaiin kan ṭah a tul leh thin.
Awmlai lunglian dan rual a ni nem maw
Chawitlei hraileng leh nuthai riangte
Nang ngai in tlaini an leng asin
Ṭap ṭapin zuapa an au ding zo lo.
Fam hnu zal na piallei thuahriat
Ka dawn ngamlo ka phal lul lo
I sulhnu zawng leh nunhlui liam hnu
Chhuiin nau ang ṭah kan bang dawn lo
Van a duai chuang ngei e kan tawnah.
I sakhming thamral an kan phal nem le
I lenrual zawng ten Mama tiin
Thlafam rihsang min kai san mahla
Rolung phunin chawi zel nange
Sakhming mawi Samuel Lalliansanga.
No comments:
Post a Comment